1Ti 2 | MCQ | STEP | 'Ene amurijaho na ja ea maho'o puna'e jarirame 'waravukúne ja pura raka ka'ene pivusahu jihipuna'e siporua 'onahe 'ee puni siporua 'aho'a 'onahe 'ee puni ahija 'ee varapi jihipuna'e 'one 'ee teimani 'wavuri siporuiji 'o'avara.

1 Timothy 2

Sosi Vaji Godi Oja Mahunijina

1 'Ene amurijaho na ja ea maho'o puna'e jarirame 'waravukúne ja pura raka ka'ene pivusahu jihipuna'e siporua 'onahe 'ee puni siporua 'aho'a 'onahe 'ee puni ahija 'ee varapi jihipuna'e 'one 'ee teimani 'wavuri siporuiji 'o'avara. 2 'Ene Kini epuna 'one 'ee ea mama'ina ka'ene 'ajoha'ina puni siporua 'ojakame nú mamaa'e matausahe hine 'ee arimaa akuavi'ina'e hihuna. 3 Ikija Godi ka'ene nú Ni'ajúhi'ini jihuni una'ijaho mamaa 'ee Hu ura rena paranujina. 4 Hu ura renujaho ea maho'o roe nimaiji hena kame 'ee maranihuna'e ura renu. 5 Ijihuna'e Godi nikwinuna 'ee ea vahanuvi'ina nikwinuna. 'Ene Godine 'ee emaa rira mu'oi vahanuvi'ijaho Jesu Kerisona. 6 Ijihuna'e vea nimaa nimaa ka'ene 'waramajara ro apejume Hu Huni hahijino miharena ja maho'o 'imenae 'ekana. 7 'Ene ikehuni hahi na vu'a najahi'ina 'ee apasorua'e iji pijihana. Ijihuna'e na nimaa 'waravu kaivo na ira'ata paapeju. 'Enajihuna'e na Jenitaruepo nimaiji nimaa rohuna'e najahi'ina. 8 'Enajihuna'e na ura reniujaho parua ka'ene kwaa arakino hijujija 'urine akuavi'i ija ahasirime siporua ka'ene 'o'avajaho paajiname 'ee paninakaravi'i 'o'avara. 9 'Ene 'unama nikwinu'ina kajino na ura napara 'u'o ateha mamai same 'ee puni haha hami amairiarame ohuna kaivo húmata pamuchame 'ee korutia 'ee perua unecha 'ee ateha ka'ene aneja mama'ini 'imejujaho pasa'avara. 10 'Ene napara pu Godi ura renuja'ina'e veji'ina 'wavujihuna'e pu kara mamaijiru vehuna. 11 'Ene napara masuani vu'ataa hene vu'a ka'ene 'waravu jihipuni hararu hi'avara. 12 'Ene na napara ruha paaremahu'e 'urine parua asitahe iki kami vu'a najahura. 'Enakaivo masuani ajuarasahe hijura. 13 Ijihuni maijaho Godi maraku'a Atamu venarena iji'a Iviho venana. 14 'Ene Atamu pisimihuna pana kaivo napariji nimaa'e pisimiume sisea venana. 15 'Enakaivo naparijija pu nimaa rone oja 'ekarame 'ee akume 'ee arimaa'e hi'avajaho vea ka'ene hariha nahejuri veijaho mamaa'e renahuna.